البورجر بطريقه سهله جدا وبالصور

طريقه سهله جدا للبرجر ان شاء الله تعجبكم

اولا فى حاجات مهمه بالنسبه للوصفه احنا مثلا لو عملنا كيلو مفروم هيبقى فى

حوالى نص كيلو او تلات اربع كيلو بصل وربع فول صويا من الاجنبى مش المصرى

وطبعا بننقع فول الصويا مش اقل من ساعتين والبصل بنغسله ونقطعه ونصفى فول الصويا

ونقطع البصل ونحطهم مع اللحمه المفرومه ونحط التوابل بتاعتنا اللى هى عباره (ملح

فلفل وبهارات لحمه وشطه ) ونحط دا كله فى المفرمه ولو عندك جزار وتوديله كل المكونات

بيبقى اسهل وافضل انا ساعات بعمل كده عشان الكبه مش بتنجز خالص ولو متوفر مفرمه كويسه يبقى

تمام وعلى فكره انا عملت من الطريقه دى كفته للتفريز رائعه
ودا اللينك بتاع الموضوع
http://forums.fatakat.com/thread2614738

ودى صوره لشكل اللحمه بعد ما اتفرمت مع البصل والبهارات وفول الصويا

وبعد كده المقدار دا بتاع اللحمه المفرومه اللى هو حوالى نص كيلو مع تلات اربع كيلو البصل

وربع الصويا هيعملوا معاانا كيلو يتحط على كل كيلو من دا بيضه وكيس صلصه او كوب صغير

عصير طماطم وكوب صغير بقسماط ودى صوره للمقادير

بنحط البيضه على اللحمه كده وعليها رشة فلفل

وبعدين نحط بقى البقسماط والصلصه كده

وبعدين نعجنهم كويس جدا وشوفوا كده الصلصه هتدى لون احمر جميل للحمه ودى صوره

وفى طريقتين عشان نقرص اللحمه يا اما تكوريها وتحطيها فى كيس تلاجه كده

وتقفلى الكيس وتدوسى عليه عشان تتقرص او تتفرد ودوسى متخافيش وانتى قافله الكيس
والطريقه التانيه انك تاخدى قطعه قطعه من العجين وتتضغطى عليها كده وتطلعى الهوا
اللى جواها وتفرديها بأيدك انتى او بالبلدى تبططيها بايدك وانا بعمل بالطريقه دى

ويكون بين كل طبقه وطبقه كيس طبعا ودا كده عملت طبقه فوق الاولى كده

وخلصى الكميه اللى عندك ودا الشكل النهائى وبعدين نحطهم فى الفريزر

وبعدين انا مسبتهمش يجمدوا اوى وطلعت احمر عشان اوريكم النتيجه انه مش بيكش
النص زى ما بيحصل فى البورجر الجاهز وكمان دا انضف وحطيت شوية زيت
صغيرين فى طاسه تيفال وحمرت

وكده بعد ما تحمر

وبراحتك بقى عايزه تعملى اقراص البورجر صغيره كبيره
تفرديه اوى ....دى حاجات كلها حسب الرغبه

وان شاء الله الطريقه تعجبكم ولو عجبكم الموضوع متنسوش الدعوه الحلوه
والتقييم طبعاااا البورجر بطريقه سهله جدا وبالصور Mood1

ماأجمل تلك المشاعر التي

خطها لنا قلمكِ الجميل هنا

لقد كتبتِ وابدعتِ

كم كانت كلماتكِ رائعه في معانيها

دائمآ في صعود للقمه

» سر عمل الكاكاو بطريقه الكافيه
» البسيمه من مطبخى وبالصور
» ملف منوع لأطباق الرز وبالصور للعشاء او لسحور رمضان .. جددي سفرتك كل يوم
» بيتك مملكتك ...فاهتمى بإضاءته بطريقه جيده
» سندويتشات لذيذه وباشكال رائعه وبالصور