جانا جانا
المشرف العام
عدد المساهمات : 4469
تاريخ التسجيل : 02/04/2010
العمر : 36
 | | موضوع: النتيجه قربت معا النصايح دى ولا يهمك واوعى تخاف الإثنين أبريل 11, 2011 3:09 pm | |
| النتيجه قربت؟؟؟؟؟
ولا يهمك .....
"
عارف أنك شايل شايل؟؟؟؟؟
طب تعالالى بقى كده و ركز معايا
طبعا كل واحد فيكم حاتط ايدة على قلبة من النتيجه .
علشان كدة ومن واقع خبرتى قررت انى اديكم شوية نصائح عن كيفية استقبال نتيجة الامتحان وربنا يستر بقى .
قبل أى حاجه : شيل أيدك من على قلبك بسرعه .
"أيوه كده تمام"
أسمع بقى و أدعيلى
اولا : لازم تحبكها فى البيت قبل النتيجة حبتين تلاته أربعه.... "زى ما أنت عاوز" بمعنى انك لازم تفرهض فى السرير بتاع اربع خمسة ايام كدة ، و مش هاوصيكم يجيلك كل الامراض اللى ما تخترش على بال بنى ادم "من اول المغص لحد ما يغمى عليك" علشان اللى فى البيت قلبهم يحن .
و يعدو الكام يوم و يجى اليوم المنتظر "المواجهة" لو النتيجة جت لاقدر الله زى ما انت متوقع وشلتلك بتاع اربع مواد كدة ،ننفذ الخطوه التانيه .
ثانيا : تبتدى تمرن نفسك على كيفية البكاء المستمر "عاوزك تتفرج على كل أفلام أمينه رزق" وتتعلم ازاى تتشحتف علشان تصعب على كل اللى يقابلك .
ثالثا : تدرب على بعض الفنون القتالية زى المصارعة او الكارتية. "خالى بالك النقطه دى مهمه أوى"
ليه بقى؟؟؟؟؟
أقولك يا سيدى
علشان هيبقى فى شويه دانيسورات واقفة على النتيجة ، فلازم انت تكون مستعد لكدة علشان توصل فى اسرع وقت ممكن لأن انت عارف بيبقى فى هواة تقطيع الورق عارفهم؟؟؟..
طبعا
الواحدة من دول تعرف انها شايلة السنة تروح مسرخه و شادلها ورقه ولا أتنين
من كشف النتائج و مقطعاها وحلينى انت بقى يا معلم عقبال ماتعرف النتيجة
بتاعتك .
رابعا
: لازم يا بطل تروح تجيب نتيجتك بنفسك علشان ماتبقاش واقف هيغمى عليك وانت
مستنى صحبك يجبهالك وتلاقية بعد ده كله خارج يقولك أنا شيلت 3 مواد لية دة
ظلم (أال يعنى الواد حل اوى)
، و تيجى تسأله على نتيجتك يقولك يوووووه أنا نسيت هوه أنا كنت في إيه ولا
فى إيه ،و تروح طبعا أنت مناوله واحده فى وشه و كمان واحده في بطنه و شلوت
عبقرى كده من بتوع الكراتيه اللى أتعلمته "شوفت الكراتيه بينفع أزاى" .
خامسا : انك تتحلى بكل انواع البرود "و يفضل الأنجليزى عن الأمريكى علشان أرخص" دا انت هتقابل اليوم دة اللى عمرك ما شوفته يعنى انت خارج كدة وشايل اربع مواد وتلاقى ام احمد الفراشة بتقولك (الحلاوة يا كابتين) فا انت لو مكنتش هادى هتعمل حاجة من الاتنين يا أما تموتها لا تموت نفسك فلازم تبقى هادى وتستحمل علشان اللى جاى اصعب .
سادسا : لازم تؤمن وتصدق ان النتيجة دى بتاعتك ومفيش غلطات مطبيعة. (احنا هنمثل ما انت عارف انك شايل شايل)
سابعا : تاخد بعضك وعلى اقرب مطعم عدل وتاكل اكبر كمية من الاكل علشان انت الفترة اللى جاية هتكون فى اوضتك ومافيش اكل. "إلا بقى لو انت معندكش دم وهتقعد تاكل مع باباك وممتك على اساس انك احمد زويل" !!!!!!!!!!
ثامنا : نيجى لاصعب لحظة الا وهيا نقل الخبر للأعداء (باباك ومامتك) وهنا هنرجع للبند رقم اتنين بتاع الافلام الماسوية والبكاء المستمر "و أفتكر أمينه رزق و حاول تقلدها".
تاسعا
: اول ما تشوف باباك اول كلمه تقولها حرااااااااااااااااااام و اللهى دة
ظلللللللللللم مجهودى طول السنه راااااااااح ويغمى عليك وماشوفش
وشك فايق غير بعد 14 يوم اتفقنا .
عاشرا : يا رب تنجح علشان ما يحصلش كل ده )
أسمع كلامى و أستعد من دلوقتى
و أمانه تبقى تسلملى على أم أحمد الفراشه
| |
|
فتحى سليم
المدير العام
عدد المساهمات : 5731
تاريخ التسجيل : 01/01/2010
العمر : 43
الموقع : mool.ahlamontada.com
| | موضوع: رد: النتيجه قربت معا النصايح دى ولا يهمك واوعى تخاف الأربعاء أبريل 13, 2011 7:07 pm | |
|
اسعد الله قلوبكم وامتعها بالخير دوماً
أسعدني كثيرا مروركم وتعطيركم هذه الصفحه
وردكم المفعم بالحب والعطاء
دمتم بخيروعافي
| |
|
