30 اكله واكله علشان مانحترش ناكل ايه انهارضه

ازيكوا يا قمرات حبيت انهارضه اضيف قايمه للاكل ونسميها 30 اكله واكله يعنى انا زهقت من كتر كل يوم اسال نتغدى ايه او ناكل ايه طبعا الكل يقولك مش عارفين ويبقى احنا محتارين المهم مش حا اطول عليكوا انا كتبت 30 وجبه علشان كل يوم بدل مانسال نيجى ونشوف قايمه الاكل ونختارمنها اللى ينفع نطبخه ايه انهارضه اولا السلاطات اللى ممكن نختار منها سلطه خضرا- سلطه طحينه - سلطه بابا غنوج - سلطه زبادى - سلطه توميه - سلطه بطاطس بالمايونيز - سلطه بذنجان بالخل والتوم - سلطه باذنجان المخلل - سلطه الطماطم المخلله - سلطه التبوله اللبنانى - سلطه البطاطس المهروسه - سلطه الكولو سلو - سلطه التونه - سلطه الخرشوف نبدا القايمه1- ملوخيه - فراخ - صينيه بطاطس - رز2 - كبده او كلاوى - بطاطس محمره - مكرونه3 - سمك مقلى او مشوى - رز - جمبرى او كابوريا 4 - سجق بالطماطم - بطاطس مقليه - ممكن بدل السجق لحمه بالبصله شاورمه او فراخ شاورمه 5 - سبانخ - لوبيا اوفاصوليا بيضاء - رز - لحمه 6 - مكرونه - فراخ بانيه او لحمه كباب حله او اسكالوب بانيه 7 - باميه - بسله او بطاطس صينيه بالجبنه - رز 8 - يوم خفيف شويه فول بالطماطم او بالسجق - شكشوكه - بطاطس مقليه 9 - صينيه سمك سردين اوبورى سنجارى - رز بذنجان مسقعه 10 - مكرونه بشاميل - فراخ او لحمه - شوربه 11 - عجه مكرونه - بطاطس مقليه 12 - رقاق باللحمه - فراخ - شوربه 13 - يوم خفيف خالص جبنه قديمه - فطير فلاحى وعسل 14 - محشى ورق عنب - كرنب - فلفل - بذنجان - فراخ انا باسويها مع المحشى 15 - فاصوليا خضرا - رز - قلقاس 16 - قرنبيط مقلى او مطبوخ - لحمه كباب حله - مكرونه 17 - بصاره او عدس اصفر او عدس بجبه - بذنجان مقلى وفلفل مقلى 18 - فته بالخل والثوم - لحمه - شوربه 19 - كرشه احنا بنحبها وناكلها وفى ناس مش بتحبها - منبار 20 - عيش باللحمه اللى هو الحواوشى - مخللات 21 - رز معمر - شوربه فراخ او لحمه وصنف خضار ملوخيه اوصينيه بطاطس اواى نوع خضار ويا سلام لو بط او حمام محشى اه ياعينى 22 - يوم صيفى سريع للاسكندريه ام خلول و سلطه طحينه - بطاطس مقليه - سمك مشوى 23 - صينيه جلاش بالسجق او باللحمه المفرومه او بخلطه البيتزا - بطاطس مقليه - شوربه 24 - كفته مشويه - او لحمه مشويه او فراخ مشويه - مكرونه 25 - صينيه بطاطس بوريه او بطاطس محشيه باللحمه المفرومه خرشوف محشى باللحمه المفرومه - رز 26 - كشرى مصراوى - دقه مشطشطه 27 - سمبوسك - بطاطس مقليه 28 - فسيييييييييييخ انا باموت فيه - بطاطس مقليه 29 - رز بالعدس الاصفر - لحمه مشوحه بالبصله وفيه ناس بتاكل الرز بالبيض المسلوق 30 - كبسه سعودى بالرز البسمتى تجنن مدسوس فيها فراخ او لحمه 31 - كوسه صينيه بالبشاميل - كفته رز و نيجى بقى ننوع نشوف ايه ممكن نعمله يعنى الرز مره بالكارى مره بالشعريه مره حبه وحبه بنى ومره الرز بالجمبرى مره الرز بالطماطم مره رز بالكبد والقوانص مره باللحمه ا لمدسوسه ممكن نزود انواع اكل يعنى انا باعمل مكرونه بفواكه البحر والجندوفلى وممكن مكرونه بالمشروم وعندى صاحبتى بتاكل حاجه اسمها مكرونه مبكبكه دى اكله ليبيه وبتاكل مكرونه بالتونه ومكرونه بالثوم بيضا ومكرونه بالفراخ- النيجريسكو - ممكن نضيف مثلا اكلات تانيه التورلى فيه ناس بتحبه وفيه ناس بتحب الكشك وكفته الفراخ وكمان نضيف الكانيلونى وشكلى بقى فى اللحمه يعنى مره بفتيك فى الفرن مره اسكالوب مره كفته ع البخار ومره هامبورجر ومره يخنى وكمان الفراخ مره مشويه اومقليه اوصينيه اوبانيه اومخليه اوفراخ فى الجلاش او فراخ بالبشاميل مع مكرونه فرن او فراخ بالزبادى ونعمل كمان كفته السمك ونعمل شوربه السمك والجمبرى وكمان فيه الكوارع وشوربتها وشوربه الفول النابت وشوربه الخضار اتمنى اكون ساعدتكم انا كاتبه القايمه دى ومعلقاها على باب التلاجه وباحاول اعمل قايمه للعشاء كمان علشان ارتاح واللى عامله قايمه عشاء تدخل تقول لنا وبكده ممكن نشترى اكل الاسبوع كله مره واحده ويارب تكون عجبتكم ويلا بقى يا فتوكات اللى عندها اكلات جديده او مش مكتوبه او طرق جديده نزود بيها القايمه وسجلوا دخلكم بوصفه اكله حلوه سواء حلويات اوسلطه اوطبخه اوصنف جديد نتعلمه يلا نكبر القايمه ونثبتها علشان اللى عاوز يفكر ياكل ايه يلاقيها هنا موجوده فى فتكات بس عندنا واتمنى انها تعجبكم مع غيومى غطت عيونى