منتديات سيتى مول الشيماء بأ تميده
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي الاستاذ فتحى سليم

منتديات سيتى مول الشيماء بأ تميده

مرحبا يا (زائر) .. عدد مساهماتك 37
 
الرئيسيةالبوابهالتسجيلدخول

شاطر | 
 

 ♥ܔܓ܏ܛܜ█◄ الحلقة (5) من مطبخ رومانزا (بانكيك القلوب)►█ܔܓ܏ܛܜ♥

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الاميره اسيل
المراقب العام
المراقب العام
avatar

انثى
عدد المساهمات : 1637
تاريخ التسجيل : 03/01/2010
العمر : 38

مُساهمةموضوع: ♥ܔܓ܏ܛܜ█◄ الحلقة (5) من مطبخ رومانزا (بانكيك القلوب)►█ܔܓ܏ܛܜ♥   الإثنين مارس 15, 2010 6:44 pm




معانا خامس حلقة من حلقات برنامج
Romanza & DVD4arab kitchen
وممكن تشوفوا الفهرس لكل الحلقات من هنا

حلقتنا النهاردة إن شاء الله مختلفة

لأن النهاردة هنعمل حلو (بانكيك القلوب)
حاجة خفيفة شكلها حلو تتعمل في مناسبة حلوة أو عشاء رومانسي مثلا



هذه الأكلة تكفي من شخصين لأربعة
(تعمل 4 من دي)




المقادير







معلش المقادير المرة دي متخفية شوية

ده الخلاط أنا حطيت فيه الآتي

كوب دقيق
كوب لبن
2 ملعقة طعام سكر
ملعقة طعام بايكنج باودر
4/1 ملعقة صغيرة ملح
2 بيضة
3 ملعقة طعام زيت عباد شمس

وفيه معلقة طعام زبدة بس دي مش بتتخلط هنا دي عشان نسويه
وممكن سمنة أو زيت بدالها عادي بس الزبدة أحلى

للحشو والتزيين

Mapple syrap
أو شراب القيقب أو شارب البانكيك
بيبقى موجود في السوبر ماركت وبيدي طعم حلو أوي للبانكيك
بيبقى لونه بني غامق كده وطعمه شبه الكراميل

4 معالق كبيرة مربة فراولة أو حسب الرغبة بس انا بحبها معاه أوي
4 شوكولاتة جالكسي فلوتس (حسب الرغبة ممكن بلاش)
4 حبة كريز



الطريقة





الطريقة أبسط ما يكون
زي ماشوفتو أنا استخدمت الخلاط العادي
ممكن تستخدموا المضرب اليدوي أو الكهربائي
بس لو كده البيض يبقى مخفوق قبل ما يتضاف

أول حاجة نحط الدقيق والبيكنج باودر والسكر والملح واللبن ونخلط على الهادي أو سرعة متوسطة
لحد مايتخلطوا كويس
بعد كده نضيف الزيت والبيض ونخلط تاني برضه لحد ما يتم الخلط
خدوا بالكوا لو مضرب كهربائي
احنا مش عايزين البيض يعلا
أو ينفش يعني لما تضربوه في الأول يكون مضرب على الهادي مش منفوش
بعد الخلط بنحط الخليط في إناء نقدر منه نتحكم في الكمية اللي هنصبها في الطاسة
وبيبقى شكل الخليط كده



بيبقى سائل بس متماسك شوية زي العسل الاسود أخف من العسل الأبيض
نجيب طاسة تيفال عشان مايلزقش
مافيش تيفال مش مشكلة بس لو كده يفضل تكون ملساء جدا

وفيه أداة بتكون على شكل قلب في أي سوبر ماركت كبير
أو ممكن تلاقوها في مترو أو كارفور خاصة بالبانكيك
لو مش عندكو مش مشكلة
ممكن تصبوه في الطاسة لحد ما يعمل دايرة صغيرة وخلاص
المهم طعمه حلو مش شرط الشكل لو مش متوفر عندكو

نجيب الطاسة نسخنها ونسيح فيها معلقة الزبدة
ونجيب القلب ونحطه في نص الطاسة ونبدأ نصب فيه الخليط كده




ونسيبه شوية على نار متوسطة لحد مانحس انه من فوق بدأ يتماسك كده




إوعوا تسيبوه يتحرق
هما حوالي اتنين أوتلات دقايق

وهنلاقي اننا سهل نشيله بالمعلقة الخاصة بيه
المعلقة الكبيرة زي الكبشة بس مسطحة

هتلاقيه سهل يتشال يبقى استوى
ونشيله من الحروف من القلب ونقلبه على الوش التاني




ونكرر الحكاية دي حوالي 8 مرات
يا إما نجيب طاسة كبيرة و8 قلوب Smile لأني ماجبتش إلا قلب واحد للأسف
القلب ده معدن فيه قلوب بتبقى تيفال حلوة برضه عشان تسهل فصل البانكيك عنه

بعد كده نجيب واحدة بانكيك نحط فوقها معلقة كبيرة مربى نفردها
وفوقها واحدة تانية
ونصب عليها المابل سيرب حوالي تلات معالق كبيرة
ونزينها بالكريز والفلوتس







الرجوع الى أعلى الصفحة اذهب الى الأسفل
فتحى سليم
المدير العام
المدير العام
avatar

ذكر
عدد المساهمات : 5731
تاريخ التسجيل : 01/01/2010
العمر : 36
الموقع : mool.ahlamontada.com

مُساهمةموضوع: رد: ♥ܔܓ܏ܛܜ█◄ الحلقة (5) من مطبخ رومانزا (بانكيك القلوب)►█ܔܓ܏ܛܜ♥   الجمعة أكتوبر 15, 2010 5:08 pm


-----------------------------------------------------------------------------------------------



الرجوع الى أعلى الصفحة اذهب الى الأسفل
http://mool.ahlamontada.com
 
♥ܔܓ܏ܛܜ█◄ الحلقة (5) من مطبخ رومانزا (بانكيك القلوب)►█ܔܓ܏ܛܜ♥
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيتى مول الشيماء بأ تميده  :: منتدى مطبخ الاسره السعيده-
انتقل الى: